اللي عنده طير لايدخل يتقطع قلبه

البارحه ياحسين مركاي كوعي

من العشا الين اذن الفجر يا حسين


ما غير اسلي خاطري بالدموعي

مثل الذي من يقضي الدين بالدين


كل السبب طيري حسين الطبوعي

النادر اللي شوفته تطرب العين


اللي لامني ندبته فزوعي.

مثل الشجاع اليا نهموه القريبين




قمت اتذكر دلته لطلوعي

بخدن قنصنا فيه حروة اسبوعين


مدري ثمان ايام معهن اسبوعي

لا شك كنهن يا ابن الاجواد يومين




وفي تالي المقناص يوم الربوعي

اتلى العهد به راهي الجناحين




اقفى وراء خرب مسقر جزوعي

متذير واردفت من عقبه طيرين




وسقنا معاهن وسط خد منوعي

اقفن شمال ومبعدات عن العين




وقفت ادربل مير مامن سنوعي

وقالوا جهاز الطير ما نسمعه زين




واجهدت رجلي بكل رجمن رفوعي

ارقى والوح وادبل الصوت صوتين




وما قصرو وقت المنافع ربوعي



واخذت في جو القطامي نهارين




لاشك طيري ما نوى للرجوعي

وانا بعد حدرت يم البلادين




ما كان ودي ان المفارق فجوعي

ليته موادعيني سوات المحبين




الله يلوم الطير بعده يلوعي

خلاني اسهر والمخاليق ممسين




عساه يسلم من يدين الطموعي

اللي عن النشاد يخفي البراهين




والا الرجال الي تعرف السنوعي

تلقى على حجله مع السبق رقمين




والا عساه بناريات التنوعي

ورزقه على الي خالق الناس من طين




ومما جرا يا حسين قلبي قنوعي

لو كان عقبه خاطري صايرن شين

تسلم يمينك درب الخير علا القصيده

بنتضار كل جديد لك

تقبلي مروري

سمو الاحساس

مشكور على المرور العطر

ضي القمر

اشكرك على المرور العطر والكلمات الراقيه