سجل حضووورك بقصيده او بيت سمعتها ونالت على أعجابك

أخواني وأخواتي الأعضاء أتمنى الكل يسجل حضوره في قصيده مب شرط هو اللي كاتبها يعني لو قصيده سمعتها وأعجبتك وأنا ببداء

آخر كلامك قلت لي منت مجبور
وش رجعك بالله بعدك تبيني ؟!
.
.
وصلتها للـ / الفراق ومنت معذور
أبيع بايع واشتري مشتريني
.
.
ومادام قلبك خالي احساس وشعور
ماني بحاجة قلب ماحس فيني
.
.
ماني على خبرك تمثل لي الدور
ولاني على كيفك تروح وتجيني
.
.
واذا الزمن له جور والحب له جور



جورك على جور الزمن مبتليني
.
.
ضايقتني حتى وأنا دمي يفور
وكذبت في شي حصل شوف عيني
.
.
كذاب,, أناني,, ميت احساس,, مغرور
قاسي,, عنيد,, وياخسارة حنيني
.
.
وشلون أمد الكف والكف مبتور ؟!
من قلبك اللي مايقدر يميني
.
.
وقـتن مضالك مالفى مني قصور
ماباقي الا أشيلك براحتيني
.
.
وكتبت فيك حروف وأبيات وسطور
ليتك تحس وليت قلبك يبيني
.
.
زرعت فيك الكبر وأصبحت محقور
وأعميت عيني من رفالة يديني
.
.
رفعت من قدرك وواجهت بغرور
وأول وفاك تروح ماتحتريني



.
واليوم ترجع لي عقب غيبة شهور




ودك تعيد الحب؟! لا ياضنيني




.



.
ماعاد باقي غير أوادعك مجبور
راحت عليك وياخسارة سنيني
.
.
العام قلبي يوم ألاقيك مسرور
واليوم عقب الود لاترتجيني
.
.
واذا ذكرت العشره بقلب مقهور
تذكر اللي صار بينك وبيني
.
.



وابعد بعيد وعن فعايلك مشكور
الربح نفسي والخساره لعيني
.
.
آخر كلامك قلت لي منت مجبور
والحين أظنك منت مجبور فيني
مما
رآآق
لي

والله يا غلاي انت وسمو معندي الا بيت عن عشر بيووت


احبك ليين ترفعني ايادي الناس يم قبري


وعزك ليين يغطني تراب القبر وغباره

اعجبني البيت اللي يقول

صبري على اللي جرحني مايعذربني

تكرم حثال العرب من شان طيبها

سمو الاحساس

ارجو تثبيت الموضوع
لانه متجدد

دمتم بود

يعطيكم العافيه وابياتكم أقف في ذهول أمام هذه الروعه من أعضاء رائعييين



ودمتم .....

حاب اسجل حضوري

قلبي علا جمر المحبه يناديك
يصيح له عامين مما جراله يشكي
يشكي من اسباب المفارق ويشكيك
يشكيك يا خله ويشكي الليالي

أخوي سمر يعطيك العافيه

بس أحس أغلب ابياتك حزينه ؟؟؟؟؟


ودمت بصحه وعافيه

كل ما اقفيت ناداني تعال ...... وكل ما اقبلت عزم بالرحيل
وكل ما اجنبت واعدني شمال ...... يا اهل الحب ضيعت الدليل
شفت انا الظلم من بعض الدلال .....يجرح القلب لو كانه جميل
وكل ما قلت له يابن الحلال ......المحبه عطى وانت بخيل
التفت لي وهو عجل وقال .......لذة الحب في الشي القليل

كلمات الامير بدر ابن عبدالمحسن

قائل البيت هو:حامد زيد
أبك أنا لاشفت خلي حط غيري في مكاني...والله اني لأتركه وان صد لاعشق سيد سيده


وبيت اخر
تخيل من كثرماأخاف تلقى للزعل مدخال.... أخاف أخطي على طيفك وادوس برجلي ظلالك

تعال شوف الجرح لعلك تاثر

والا تهزك ذكرياتن قديمة

تعال تكفى كف دمعن تنثر

ماعاد بالدنيا قلوبن رحيمة

وان كان ماشفتك وشوفك تعثر

بااموت وانت المشترك بالجريمة

بعيدا عن الحب والوله ولوعات العاشقين

اهدي لكم هذي القصيده
بس مو وقتها بصراحه
وقتها لاجا المطر والخير والربيع
خصوصا عندنا بالرياض

اتمنى بس اعرف من هو الشاعر

اللي يعرفه لايبخل علينا


يالنوري يالغالي بشكيلك الحال
وابنتخيبك ياوسيع البصيره
ياما حلا البراد ياكنت رحال
في تلعة والسيل تسمع هديره
به الخزامي اللي من الجال للجال
وقليقلان وشيح وربلة كثيرة
والذود يرعى والقطا اجوال واجوال
وشوف الحباري والخباري كثيره
وبيت مروبع للرجاجيل مدهال
ودلال على جمر الغضا مستديره
وجيب جديد للفتيلات حمال
ابو شنب ياخوك ماحلا صفيره
وخوة رجال مابهم عرق الانذال
اهل المصالح والعلوم الشريره
دنيا بها للعفن حشمه ومنزال
تنعاف دام الذيب يدرى حميره
هذا الزمان اللي به العفن رجال
تنعاف دام الذيب يدرى حميره
وناس تكشخ مامعه باقي ريال
ولاتلبس من الخام الا حريره
دنياه دين بدين ياطيب الفال
ويروح يومه ماتعدى سريره
ماداج بالمسجد نسى يوم الاهوال
في ساعة فيها الكواكب نثيره
وختامها رحمتك في كل الاحوال
ويالله تجعلنا بخير وستيره
وصلاة ربي عد ماهل همال
على نبي سيرته خير سيره

عيونك اخر امالي وليلي اطول من اليم
كيف القى كلام عذب يوصفها باحساسي

جرحي عميق والقلب في دمه غيريق
تقوى الهجر ويله من وين الصبر

مهما تقولا لا تعتذر
مهما تقول امن الاغاني ولجمل
ما يحتمل قلبي فديا جبر الالم