غير حيآتك ,, من ( سلبي الى إيجابي ) ! بعض الحقائق‎

برمجة سلبية -> أفكار سلبية -> ناتج سلبي برمجة أيجابية -> أفكار أيجابية -> ناتج أيجابي *
أتوقع أن البعض ما عرف او تصور الي آنآ آتخيله في النواتج المذكوره مع آلعلم نعايشها الآن بهاللحظه !
كثير مننا الي نشوفه حساس , و الي دايم حزين , و الي ما يقدر , وغيرها , هذي تسمى برمجة سلبية
و الي نشوفه , مبسوط , ياخذ الأمور ببساطة , و تلاقيه يحاول ماعنده ( النفس الي تمّل ) تسمى برمجة أيجابية
هذي الي نبيها و هذي الي نبغيها و هذي الي نحتاجها , للأسف يمكن الأغلب في مُجتمعنا مُبرمج على السلبية !
أمثلتها : واحد يقولك مافي وظايف و يآكثرهُم , واحد يقولك والله ماتقدر تسوي هالشيّ و يا كثرهُم
طبعاً أذا عايشنا مثل هالنوع من الناس شوي شوي نقتنع بكلامهُم , و ندور أصغر برهَان عشان نستدل عّ صحة كلام هالنوعية !
تدرون ليه ؟ مع التكرار العقل يسجل هالمعلومه بحيث تنعكس على الشخص نفسه لين ما يتبرمج سلبي ّ !
عكس الأفكار الأيجابيه , الي من خلالها تعايش ناس متفائلة , مبسوطه , ماخذه الامور ببساطه
الكَل يدور هالنوعية صح ؟ طيب أنت ليه ما تكُون مثل هالنوعية الأيجابية , تقدر تحول برمجتك من سلبية لأيجابية
حتَى تكُون أيجابي : حول أيّ فكره تجي على بالك سلبيه لأيجابيه ! , بتسأل تقول شلون عطني مثال !
لبى قليبك هذا مثال : بعض المواقف تمّر فيها يجي في بالك او عّ طول تتحدث مع ذاتك تقول ما عندي ثقه بنفسي !
حولها وقلَ : انا واثق من نفسي ! , أو ذاكرتي ضعيفه , حوله : أنا ذاكرتي مُمتازه , أو انا خجول , حولها : انا اقدر اتكلم مع الناس
حول اي فكره تدور ببالك سلبية لأيجابية , انا ما أقدر ! لا .. خليها انا أقدر , انا خايف ! لا .. خليها انا واثق من قدراتي
بكذا انت تبرمج نفسك مع الوقت على البرمجة الايجابية وراح تحصل على كثير من الأمور كنت ما تقدر عليها
انا واحد من الي كنت مُبرمج سلبي أقولها بصراحه , بس بعد ما صرت أحول اي فكره سلبية لأيجابية تغيرت 180 درجة
( حقائق ) !*
* 93% من الأعتقادات السلبة ما تحدث , و 7% أو أقل ما يمكن التحكم فيها , فليش الأعتقاد السلبي ؟
* القلق يسبب 75% من الأمراض منها النوبة القلبيه , فليش القلق ؟
* ما تفكر فيه ! و تتكلم فيه للناس , يزداد و يصبح أفعالاً .. فليش التفكير السلبي ؟
* ما تُضيفه بذهنك سواء سلبي أو ايجابي , أنت كذا تجذبه لنفسك ,, د. هلمستر !
* أعتقاداتك و تفكيرك بالماضي سيُسبب بالتأثير على حاظرك ! فليش الأعتقاد السلبي ؟
* رسائل أيجابية رددها ثلاث مرات في فترات من يومك متفرقه تُساعدك على التفكير الأيجابي : انا قوي , انا واثق من نفسي , انا سعيد !
بشرط الأحساس بنتائجها , و تعيش نفس أحساس الي تردده
* التكرار أساس المهارات .. فكرر الأفكار الايجابية لو كنت تتصنعها فتتبدل أفكارك بأذن الله ..
* لكي ننجح لابُد علينا أن نؤمن بمقدورنا النجاح ,
* أنت اليوم حيث أوصلتك أفكارك , و ستكون غداً حيثُ تأخذك أفكارك ! فلتكُن أفكارك أيجابية !

راق لي طرحك الجميل واختيارك الاروع

تقبلي مروري

شرفني مرورك اخوي لاهنت