بوح المشاعر

هذا أنا جيتك بسولف يا فهد من حر مابي
فضفضه أو بوح مادري المهم جيتك و أنا




ضايق بالي و صدري ما قوى يحمل صوابي
و الامل مابان نوره و لا لمحته عيني سنه







جابني يمك ثقيل الهم يوم انه دوا بي
اجهده الموت كنه داخل عروقي دنا





استفزيت المعاني و القلم وحده درا بي
يوم بيح من خفوقي كل ما جوفي كنا





و المصيبه يا فهد و شلون بشكي لك عذابي
يوم صار الهم شايب و صرت بعيونه ضنا





من بعد يوم المفارق طال ليلي و انتوا بي
كل حزن الكون فيني و زاد بي كثر العنا






فارقتني من تبيع الناس لأجل لحظة لقا بي
و الخطا ماهو خطاها و كنت اول من جنا





اعترف اني خطيت بحقها و هذا جوابي
كان ودك بالحقيقه يا فهد خذها هنا





صعب تخذل من يحبك و هي أول من هقا بي
اني أجمع كل بسمه و اتناصفها لـ ......<--؟؟؟؟





غرني طيشي و مشيته و لا هو اللي مشا بي
و لا وعيت الا وانا اهدم صرح من عشق انبنى




و الله اني ما ندمت من الطفوله لي شبابي
لين حبل الوصل شفته بأوسط ايديها انثنى





ليتها تغفر خطايا يا فهد با اللي جرا لي
بعدها ما غط جفني لا و لا قلبي اهتنا






و ليتها ترجع و تجمع ما بقى أو ما بقى بي
و أحلف بربي ما زعلها إلى يوم الفنا





اختياري لكم
و اتمنى يعجبكم ذوقي فيما اخترت