عضو في ضيافة قوافيَنا الشعريه

من طرف **درب الخير** الجمعة سبتمبر 03, 2010 12:15 pm

عضو في ضيافة قوافيَنا الشعريه

،،،♥)(♥،،،

.. مسـآء الشعر
وَ أعذب القصيد ..

احاسيس دافئـه
تجبرنا على الاصغاء
تزخر بكثير من العذوبه
لتحاكي مشاعرنا
ولنعيش طقوسها
بتفاصيلها
وتناقضاتها
لنبحر معها حد الغرق
احاسيس يترجمها
نبض قصيـــدة..!!
من هنا
وفي كل مرهـ
سنكون في ضيافـة عضو
سنبحر معه لننتشي عذب المشاعر وأروعــهآ
ونستمتع بعذب ذائقته الشعريـة
ليقوم بدورهـ وبعد انتهائه
باختيار عضو اخر يكمل رحلتنا تلك
و يمتعنا بروعـة اجاباته على الاسئلـة التاليه..

،،،♥)(♥،،،

1- ماهي علاقتك بالشعر ؟!!
2- من هو شاعرك المفضل ؟!!

3- اعضاء في جسر الغرام تثق في ذائقتهم الشعرية ؟!!

4- بيت شعر يحضرك دائما ؟!!

5- قصيده تعدها من اروع القصائـد ؟!!

6- هل لك محاولات في كتابه الشعر ؟!!

7- لك مساحه بلآ حدود وحرية بلا قيود
امتعنا بقصيدة على ذوقك ؟!!

وَ أخيراً .. من تريد أن يكون ضيفاً في قوآفينا ؟

،،،♥)(♥،،،

راح يكون اول عضو بضيـآفتنـآ

ضي القمر

من طرف **ضي القمر** الجمعة سبتمبر 03, 2010 9:50 pm

بصراحه طرح اكثر من رائع
وفكره فوق الروعه والجمال
لاهت خيو والى الامام

من طرف **ضي القمر** الجمعة سبتمبر 03, 2010 10:21 pm

جت علي يادرب بس مو مشكله
يشرفني بأني اجيب دعوتك
بسم الله نبدأ

1- ماهي علاقتك بالشعر ؟!!

الشعر متأسس فيني هو مثل الدم اللي بعروقي استهويه واستمتع بقرأته بل اعشقه وانا اكتب الشعر وكانت بدايتي بالشعر من سن 14 سنه وان شاء الله راح اضع كتاباتي بين ايديكم لتقييمي
2- من هو شاعرك المفضل ؟!!
والله فيه شعراء بس الي احب اسمع له
الشاعر الامير بدر بن عبدالمحسن

3- اعضاء في جسر الغرام تثق في ذائقتهم الشعرية ؟!!
درب الخير
ذكرتني حبك
سمو الاحساس

4- بيت شعر يحضرك دائما ؟!!
فيني طيبة طفل وعزة كبير
وفيني من الزمن امجاد وصروح
>>>من كتاباتي

5- قصيده تعدها من اروع القصائـد ؟!!
العمر احبك

ليل أحبك .. مابقى في السما نور
والى ضواني الليل .. للصبح أحبك
واللحظة اللي كلها صد وغرور
اشوف قبري بين عينك وقلبك
في صدري اسراجٍ حزين ومكسور
رغم المطر والريح ... شلته افدربك
والله مابه غير لوعاتي قصور
وخوفي عليك الله ربي ..وربك
إلى متى ببني على صمتك جسور
لاحيرتني اسباب سلمك وحربك
العمر احبك... مابقي فينى شعور
ومتى جفاني العمر ... وشلون أحبك

6- هل لك محاولات في كتابه الشعر ؟!!

لا مو محاولات انا لي كتابات وان شاء الله راح انزلها في هذا الصرح

7- لك مساحه بلآ حدود وحرية بلا قيود
امتعنا بقصيدة على ذوقك ؟!!

المشكلـه لامـن تولعـت بأنسـان
ودك بشوفه والزمن عنـك حاديـه

يفضحك دمعك لادرج فوق الاوجـان
ماينتخفـى لـو تحـاول تخفـيـه

وش حيلتك لاصرت عاشق وهيمان
والحب ماياتي علـى كيـف راعيـه

ياويل قلب (ن)في هوى الزين غرقان
واصبح مولع في هوى حب غاليـه

يرجي وصاله ينتظر طول الازمـان
يطلب عسى الايام به تلتقـي فيـه

الصاحب اللي لشوفتـه دوم ولهـان
حتى بحلام الليل اهوجـس وناديـه

وافز من نومي وانا حيـل فرحـان
واضحك ونادي واذكر اسمه وسميه

واعيش لحظة صمت افكر وحيـران
واقوم واسئل ليـش مانـي بلاقيـه

واقول وينـك مختفـي عنـي الآن
تعال لاتبعـد تـرى البعـد مابيـه

يكفي هجر يكفي بعد يكفـي احـزان
تعـال خـذ قلبـي معـك لاتخليـه

جاوب صدى صوته وقال انت غلطان
هذا خياله وانـت قاعـد توصيـه

وَ أخيراً .. من تريد أن يكون ضيفاً في قوآفينا ؟
ادعو خيي مستحيل تفهمني

من طرف **درب الخير** السبت سبتمبر 04, 2010 2:56 pm

ضي القمر

اشكرك جزيل الشكر على استجابتك
بس ماشاء عليك

كتاباتك واختياراتك رائعه

بانتظار مستحيل تفهمني

من طرف **درب الخير** الثلاثاء سبتمبر 07, 2010 7:06 pm

نظرا لعدم دخول مستحيل تفمني

فاني اوجه الدعوه الى
شوق المراسيل

بانتظارك

طرح رائع ويشرفني تلبية دعوتكم

،،،♥)(♥،،،

1- ماهي علاقتك بالشعر ؟!!

لست بشاعره بل متذوقه شعرياا

،،،♥)(♥،،،
2- من هو شاعرك المفضل ؟!!

الشعراء كثير ولكن الكلمة هي التي تجذبني

،،،♥)(♥،،،

3- اعضاء في جسر الغرام تثق في ذائقتهم الشعرية ؟!!

ضي القمر،سٍمُوٍ آلأٍحٍ ـسٌآسٍ ، درب الخير

،،،♥)(♥،،،
4- بيت شعر يحضرك دائما ؟!!

أنا ما زادني شعري ولا زادتني الألقاب

تجي دنياي أو تدبر عزيز فـ كل حالاتي

،،،♥)(♥،،،
5- قصيده تعدها من اروع القصائـد ؟!!

اسألوا دمي وسعادتي وهمّي
اسألوا التوفيق
والكدر والضيق
اسألوا الطيب في صفاتي
والدعاء اللي في صلاتي
واسألوا شهودي
الدموع اللي في سجودي
اسألوهم..واسألوا دمي
عن غلا أمي

........

((ارقام ))

في آخر الصفحه .. يسار ..
خبر صغير .. حادث قطار .. مات أربعة ..
مكتوب في السطر الأخير ..
باقي التفاصيل .. في الصفحة العشرين ..
على الثرى .. وبين الورق ..
أجسادهم امقطعة ..
الأربعة .. لجل المساحة ماتشيل ..
وفي باقي الصفحة صور ..
فنان .. وحصان .. و كور ..
وابحث عن الخبر الحزين ..
في نهاية الصفحه يمين ..
حادث قطار ..
ماتوا ثلاثة وطفل ..
وباختصار .. شديد .. شديد ..
كان القطار .. هو الوحيد ..
اللي بأسم ..
بلا ملا مح .. أو أسامي ..
ليه كلنا نموت ..
ليه نهمل الجثه ..
ونتذكر التابوت ..
لأقدامنا صوت ..
من يسمعه ..
من يسمع الأقدام..
هم مروا من تحت الكلام..
الأربعة ..
وصاروا أرقام .. أرقام ..

أنا رقم .. اصقه ضرير ..
المشكلة .. مثلي كثير..
يجمعنا حب الهاويه ..
احلامنا .. انا نصير..
وقاماتنا متساويه..
نركض على ورق الحياه ..
لين ننمحي ..
المشكله مانستحي ..
إنا نمرّ ..
ماشافنا انسان ..
ولا سمعنا انسان ..
اكتبني يالنسيان ..
انا رقم ..

،،،♥)(♥،،،

6- هل لك محاولات في كتابه الشعر ؟!!

محاولات نثريه قليله جدا

،،،♥)(♥،،،
7- لك مساحه بلآ حدود وحرية بلا قيود
امتعنا بقصيدة على ذوقك ؟!!

(بنفترق)

تدرين وادري

تدرين وادري بنفترق

وتدرين قلبي بيحترق

حنا أتفقنا بكل شي .. اٍلا الزمن

عيا الزمن لانتفق

ولاتزعلين .. لو نفترق

قلبكِ خلي .. وقلبي أنا اٍللي بيحترق

ياوردة في كل الفصول .. يافرح عيا لا يطول

قولي واقول

اٍن كان عندكِ لي حلول

يافرحة القلب الحزين .. الوقت يمر

ومالك عذر

كانكِ تبين .. ننسى العمر .. ننسى السنين

ونذوب في حب وحنين

تدرين وش سر الحكايه؟ الوقت يمر

ولكل شي لابد نهايه

وحنا قربنا من النهايه

ومالكِ عذر .. يابسمه الثغر الخجول

اٍن كان عندكِ لي حلول

واٍن كان ودكِ نتفق

والا ترانا بنفترق

ولا تزعلي لو نفترق

قلبكِ خلي .. وقلبي أنا اٍللي بيحترق

ياحب يادنيا جديدة

يااحلى ابيات القصيدة

اٍن كان جرحي ماكفى .. أنزف لكِ جروح جديده

واٍن كان شعري ماوفى .. أنسى الحكي وأنسى القصيدة

يااحلى أيام العمر .. كثر الحكي وش بيفيد

مابقى عندي صبر .. والجرح في قلبي يزيد

مالكِ,,,, عـــذر

يابسمة الثغر الخجول

ماظن عندكِ لي حلول

وماظن ودكِ نتفق

واحنا ترانا بنفترق

ولا تزعلي لو نفترق

قلبكِ خلي .. وقلبي أنا اٍللي بيحترق

........
(استاهلك)

ابسألك عن حالنا انتي وانا
ياللي احس..انك انا
حالنا ما هو غريب
انا نكون متأكدين ان الفراق ما هو بعيد
بالرغم من جرح السنين
ماهو غريب .. اني لو مرة في همي
نسيت وبكلمة جرحتك
قبل ما تتألمين .. اللي ينزف هو دمي
ابسألك ماهو غريب .. استاهلك
ابسألك لو قلت لك ان الحنان اللي في قلبك
ينبت من الصخر الزهر .. بأستاهلك
وان النهار اللي في خدودك يخلي النسمة عطر..بأستاهلك
وان العذاب اللي في عيونك يعلم الناس الشعر..بأستاهلك
ولو قلتلك اني احبك اكثر من هموم البشر
وكثر الجفاء وكثر السهر ... لو قلت لك
وانك اقرب من عيوني للنظر
كل الذي اقدر اقوله
واللي ما اقدر اقوله
بأستاهلك.. حبيبتي
وباجاوبك ..للاسف ما به احد يستاهلك

،،،♥)(♥،،،
وَ أخيراً .. من تريد أن يكون ضيفاً في قوآفينا ؟

الغالي درب الخير
،،،♥)(♥،،،

من طرف **درب الخير** الأربعاء سبتمبر 08, 2010 7:31 pm

الله يسامحك شوق المراسيل
شكلي تورطت

لكن ابشروا بسعدكم

من طرف **درب الخير** الأربعاء سبتمبر 08, 2010 7:58 pm

بسم الله

1- ماهي علاقتك بالشعر ؟!!

محبة ومودة
الشعر يطربني ويهز وجداني
من ايام طفولتي
احس فيه , افهمه , احترمه
لاشي اقدره اكثر من الشعر الا كلام الله وكلام رسوله عليه الصلاة والسلام

2- من هو شاعرك المفضل ؟!!

محمد بن فطيس

3- اعضاء في جسر الغرام تثق في ذائقتهم الشعرية ؟!!

ضي القمر , سمو الاحساس , ملكة الاحساس

4- بيت شعر يحضرك دائما ؟!!

مايزعج النفس الا بعد غاليها
ولايسعد القلب الا شوفة احبابة
ياعين خلي دموعك فيك خليها
القلب يكفيه من الاحزان ماصابه

5- قصيده تعدها من اروع القصائـد ؟!!

هذي قصيدة من اروع قصائد الحب والوفاء تداعب المسامع , تهز الاحاسيس , تلهب الوجدان

ليه الدموع وليه كثر الونيني
ليه الغضب ليه العتب والمشاريه
ليه الكلام اللي يبيّح كنيني
شي يزيد الامر عليّه ومابيه
تكفين كفي دمعتك وارحميني
قلبي من اسبابك يكفيه مافيه
يكفيني اللي بثه البعد فيني
بين الرجاء والياس وقتي مقضيّه
قلبي حزين وحسرتك تسيني
وش عاد باقي في يديني واسويه
خليت لاجلك كل قاسي يليني
وصدمت روس لاجلك الموت اشريه
وان عاش راسي واسعفتني سنيني
لاروي ضما قلبي بقربك وأهنيه
لو يزرعون الغام بينك وبيني
نذر عليّه لامشي الدرب واطويه
واشيل روحي فوق راحة يميني
وابيع عمري لاجل شوفتك واسخيه
واجيك لو دونك سياج متيني
دامك رجا قلب بعفوك غمرتيه
حبك زرعته وسط قلبي وعيني
واسقيته بدمعي ودمي يغذيه

6- هل لك محاولات في كتابه الشعر ؟!!

ابدا بالرغم ان والدي واعمامي واجدادي كلهم شعار
سبحان الله الشعر موهبة وليس وراثة

7- لك مساحه بلآ حدود وحرية بلا قيود
امتعنا بقصيدة على ذوقك ؟!!

قصيدة لعايض القحطاني في شاعر المليون الجزء الثاني
من قوتها شك حمد السعيد بشاعريته
هذه القصيدة على الطرق الهلالي وهو من الطروق القديمة التي تطرب لها الاذن ويعجز عنه الكثير من الشعراء

يموت الشعور اللي له النفس نايبه
الا شاح خير الوقت وابدى مصايبه

تخيرت في الامثال واخترت مامضى
من اول زماني لاخر الوقت جايبه

جزيل النشيد ال ماطراله يحدني
تسلمت وصله عقب دفعة ضرايبه

ضرايبه شغل البال والهم والسهر
ونتايجه ميقاف له الناس هايبه

عسى الله يعين اللي من الوقت مبتلى
تضكه هموم بين الاضلاع ذايبه

سبايب عداوات القرايب وحربهم
وقت عداي تحث يمي نجايبه

يقول التميمي يوم غنى من البلش
وما افة الانسان الا قرايبه

مثل شوكة المعقم على الباب فعلهم
تصيبك الا قفيت وان جيت صايبه

تعليت باسماهم على كفة الملا
ولاخفت وقت كان يركي عقايبه

الين اغرضولي ظلم من غير مصلحة
وعلي استهدوا كل عرجا وسايبه

وانا والذي صليت من عظم هيبته
ماعمري عنيت وسرت في درب عايبه

مخافة يعود الذنب في جال حقهم
او يقال عاب اللي مجانيه طايبه

ابخبرك ياللي عبت فعلي ومنزلي
ما تغنيك قولة نفسي اليوم تايبه

ترا الوقت مثل الوقت لو دار وانتحى
غرايب زماني في زمانك غرايبه

لك الله رب الارض والكون والسما
عظيم المقام اللي جزال وهايبه

وَ أخيراً .. من تريد أن يكون ضيفاً في قوآفينا ؟

الغالية
ملكة الاحساس

من طرف **درب الخير** الأربعاء سبتمبر 08, 2010 8:15 pm

طبعا الدعوة مازالت قائمة لـ مستحيل تفهمني

اول مايدخل بالسلامة ننتظر اجابته لدعوة ضي القمر

عضو في ضيافة قوافيَنا الشعريه

عضو في ضيافة قوافيَنا الشعريه

رد: عضو في ضيافة قوافيَنا الشعريه

رد: عضو في ضيافة قوافيَنا الشعريه

رد: عضو في ضيافة قوافيَنا الشعريه

رد: عضو في ضيافة قوافيَنا الشعريه

رد: عضو في ضيافة قوافيَنا الشعريه

رد: عضو في ضيافة قوافيَنا الشعريه

رد: عضو في ضيافة قوافيَنا الشعريه

رد: عضو في ضيافة قوافيَنا الشعريه